جريدة شبكة الأخبار الدولية International News Network Newspaper

كتبت/منة الله عز الدين

أولا هنتفق ان العقاب أو التحذير أو المحاسبه مش معناه الضرب لأن الضرب مش موجود في القاموس التربوي.

الخطوات
1/ اشرح فكرة الأمر (أنا ليه باقولك تعمل السلوك دا، لازم أشرحله السلوك وافهمه مردود السلوك ده على نفسه وعلى أسرته وعلى المجتمع و عند ربه يوم القيامة.
2/ احدد رد فعل ابني/بنتي تجاه الأمر ده هو بيتذمر و بيجادل والا عصيان ورفض وتمرد

-لو الابن مجرد انه بيتذمر وبيجادل اعمل ايه :
أ/ أشرح له الموقف وأوضح له أثره على نفسه وعلى أسرته وعلى المجتمع و عند ربه يوم القيامة
ب/ اتفاوض معاه ( طيب ممكن نعمل الأمر ده، طيب ممكن نقسمه النهارده نعمل جزء و بكره نعمل جزء، طيب نرحله لبكره وتعمله من الساعه كذا للساعه كذا).

• طيب شرحت واتفاوضت ومفيش تغيير، ابتدا يعارض بعصيان اعمل اي :
  العقاب : بيكون حرمان من حاجة بيحبها، توبيخ، تقليل وقت اللعب…. ،(عدم المبالغة في العقاب).
• لو الابن عصي عصيان مباشر، سواء عصيان لفظي أو عصيان بعنف اعمل اي :
  أ/ أشرح الأمر تاني ( اقوله السلوك دا صح ليه ودا غلط ليه).
  ب/ أعاقب علي السلوك.

شروط العقاب والمحاسبة علشان يكون ناجح والابن مش يحس بالظلم والقهر
1/ يكون سبقه شرح، أوضح أنا بشرحلك السلوك دا صح ليه ودا مقبول ليه ودا مرفوض ليه…
2/ أكون متفقة معاه مسبقا طريقة العقاب هاتكون ازاي ( اعمل عجلة الاختيارات).
3/ العقاب يكون ملازم للفعل الخاطئ ( فاكر الأسبوع اللي فات لما عملت كذا ❌)، لو احنا بره البيت لما نرجع نتكلم.
4/ العقاب يناسب السلوك الخاطئ اللي عمله كما وكيفا ( منبالغش في العقاب، وميكونش عقاب قليل غير كافي لمنع الطفل من انه يعمل السلوك الخاطئ دا تاني).
( ليه منبالغش في العقاب : لأن الهدف من العقاب لفت الانتباه ان انت عملت سلوك خاطئ ).
5/ المحاسبة متكونش فجأة ( انه ميكونش أصلا عارف ان السلوكَ دا غلط وأول مره يسمع…)
لازم لما نتفق على عقاب معين ميبقاش مجرد تهديد لأنك هاتفقد مصداقيتك وحزمك كأب وأم فعالين